Chaava in Telugu: బాలీవుడ్‌లో ఊపు ఊపిన సూపర్‌ హిట్‌ మూవీ తెలుగులోనూ రానుంది! ఛావా తెలుగు వెర్షన్‌ను రిలీజ్ చేయనున్న గీతా ఆర్ట్స్‌
విక్కీ కౌశల్‌ (Vicky Kaushal), రష్మిక (Rashmika) ప్రధాన పాత్రల్లో చిత్రం ‘ఛావా’ (Chhaava). బాక్సాఫీస్‌ వద్ద వసూళ్లతో దూసుకెళ్తోన్న ఈ సినిమా తెలుగు డబ్బింగ్‌ వెర్షన్‌ రిలీజ్‌కు రంగం సిద్ధమైంది. గీతా ఆర్ట్స్‌ సంస్థ ఈ మేరకు పోస్ట్ పెట్టింది. గీతా ఆర్ట్స్‌ డిస్ట్రిబ్యూషన్‌ పతాకంపై మార్చి 7 నుంచి ‘ఛావా’ తెలుగు వెర్షన్‌ ప్రేక్షకులకు అందుబాటులో ఉండనుందని వెల్లడించింది.
Hyderabad, FEB 26: విక్కీ కౌశల్‌ (Vicky Kaushal), రష్మిక (Rashmika) ప్రధాన పాత్రల్లో చిత్రం ‘ఛావా’ (Chhaava). బాక్సాఫీస్‌ వద్ద వసూళ్లతో దూసుకెళ్తోన్న ఈ సినిమా తెలుగు డబ్బింగ్‌ వెర్షన్‌ రిలీజ్‌కు రంగం సిద్ధమైంది. గీతా ఆర్ట్స్‌ సంస్థ ఈ మేరకు పోస్ట్ పెట్టింది. గీతా ఆర్ట్స్‌ డిస్ట్రిబ్యూషన్‌ పతాకంపై మార్చి 7 నుంచి ‘ఛావా’ తెలుగు వెర్షన్‌ ప్రేక్షకులకు అందుబాటులో ఉండనుందని వెల్లడించింది. వెండితెర వేదికగా ఈ చిత్రాన్ని వీక్షించాలని ప్రేక్షకులను కోరింది. ఛత్రపతి శివాజీ మహారాజ్‌ కుమారుడు శంభాజీ మహారాజ్‌ జీవితాధారంగా రూపొందిన చిత్రమే ‘ఛావా’. శంభాజీ మహారాజ్‌గా విక్కీ కౌశల్‌, ఆయన భార్య యేసుబాయి పాత్రలో రష్మిక నటించారు.
‘Chhava’ Telugu-Dubbed Version To Release on March 7, 2025
శంభాజీ కథలో కీలకమైన ఔరంగజేబు పాత్రను అక్షయ్‌ ఖన్నా పోషించారు. ఫిబ్రవరి 14న సినిమా ప్రేక్షకుల ముందుకువచ్చి విశేష ఆదరణను సొంతం చేసుకుంది. ఎన్టీఆర్‌ వాయిస్‌ ఓవర్‌లో ఈ సినిమా డబ్బింగ్‌ వెర్షన్‌ విడుదల కానుందని ఇటీవల ప్రచారం జరిగింది. అయితే అందులో ఎలాంటి నిజం లేదని సమాచారం.
లక్ష్మణ్‌ ఉటేకర్‌ దర్శకత్వం వహించిన ఈ చిత్రంలో భాగం కావడంపై విక్కీ సంతోషం వ్యక్తం చేశారు. పోరాట యోధుడి కథలో నటించడం ఆనందాన్ని ఇచ్చిందన్నారు. ఈ పాత్రలో యాక్ట్‌ చేస్తున్నప్పుడు ఆయన ఎన్నో సవాళ్లు ఎదుర్కొన్నట్లు టీమ్‌ వెల్లడించింది. ఓ యాక్షన్‌ సీక్వెన్స్‌ చిత్రీకరణలో విక్కీ చేతులను రాత్రంతా తాళ్లతో కట్టేయాల్సి వచ్చిందని.. ఆ సీన్‌ తర్వాత సుమారు నెలన్నరపాటు ఆయన విశ్రాంతి తీసుకోవాల్సి వచ్చిందని తెలిపింది. శంభాజీ ప్రమాణ స్వీకారానికి సంబంధించిన సన్నివేశం షూట్‌ చేసినప్పుడు విక్కీ భావోద్వేగానికి గురైనట్లు చెప్పింది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)